Being Love (Marathi)

ब्रह्माकुमारी शिवानी सन 1996पासून ब्रह्माकुमारी प्रणीत राजयोगाची साधना करत आहेत. आपल्या दैनंदिन जीवनात तर्काधिष्ठित आणि सुलभ मार्गाने आध्यात्मिक तत्त्वांचं आचरण करून ती कशा प्रकारे आत्मसात करावीत, याचं मार्गदर्शन त्या करतात. संपूर्ण जगामध्ये प्रवास करत असताना त्या अध्यात्म, स्व-सशक्तीकरण, भावनिक सौख्य, आनंद, नातेसंबंध आणि नेतृत्व या विषयांवरील त्यांच्या ज्ञानाचा खजिना जणू मुक्त हस्ताने वाटत असतात. मानवी वर्तनामध्ये आमूलाग्र परिवर्तन घडवण्याच्या त्यांच्या कार्यासाठी मार्च 2019मध्ये त्यांना भारत सरकारच्या वतीने नारी शक्ती पुरस्काराने सन्मानित करण्यात आले आहे.